Boocame Online- Qalcaddii taleex (Top Gabay iyo  Hordhac)

Gabaygan wuxuu soo baxay jannaayo  2013, wuxuu ka hadlayaa taariikhdii dahabiga ahayd ee halgankii soomaali la gashay dal-boob kii reer galbeedka yurub damacsanaayeen inay adduunka ku gumaystaan.

Wuxuu taabanayaa gabaygu ararta ka dib qaabkii halgankii daraawiisheed ahaa, goobihii laysku fara saaray ayuu qaar magac dhabayaa,  sida Beerdhiga,  Afbakayle iyo Taargooya oo ahayd goobtii sarkaalkii ingiriiska ahaa ee lagu magacaabi jiray Richard Corfield  (koofil)  lagu dilay, dagaalkaas oo uu abwaankii darwiishkii waynaa abaanduulihii xoogaga daraawiisheed  Ismaaciil Mire ku sajalay gabay aad u caan-baxay kana bilowda tuducan:
annagoo taleex naal jihaad taladi soo qaadnay

Kuna dhamaada kadib markuu ka faaloodo qaabkii diyaar-garowga, dagaal-gelinta iyo guushii, baydkan oo ku ammaanayo faraskiisii:

Tima soohanlow eebbahay kuma tabaaleeyo

isla guusha dagaalkaa saraakiisha caddaanka ahaa lagu hanaq-jaray waxaa uu sayid ku ka tiriyay gabaygii dheeraa ee caan ka ahaa jiinleey. Wuxuu kaloo gabaygu taabanayaa qaabkii looga dhaqmi jiray hoygii daraawiishta  –Taleex, ama gurigii Dariiqada,  quraan barasho, allexusid, diin dhigasho iyo talo gorfayn khusuusidu gaar u lahayd.

Intaa kadib gabaygu wuxuu ka faalloonayaa maanta iyo taleex ama xaruntii dariiqada iyo wadciga yaal iyo meesha uu ku sugan yahay dhaxalkii iyo dhashii shuhudada aayahoodii taasoo ah maamul goboleedka khaatumo state of Somalia, welina ah maamul iyo nidaam u taagan xornimada iyo ilaalinta wadajirka awooda umadda soomaaliyeeed.

Gabaygiina waa kan ka bogasho wacan:-

ü  Qaarar wayne aarkuba wuxuu ayda qalasleeyo

ü  Qudhac iyo madheedhkiyo wuxuu qadow ku gaajoodo

ü  Qatanaanta dhowr  beri wuxuu,  qoorta ka higoodo

ü  Maruun baa biciid qaafiliyo, qaan u soo geliye

ü  Qaniinyada markii uu la helo qabashadii buuxsho

ü  Qudha inuu ka jari waa hubaal, qalana maantaase

ü  Anigana Qunbuladaan lahaa way qafilanayde

ü  Qaansadayda toogasha waan ku qaabsaniye

ü  Qosol kuma idhaahdiyo waxaan qiimo noqonayne

ü  Qorsheeheeda maantaan damciyo, qaaf inaan mariyo

ü  Qaafiyadda kama aan tagee waan qotomiyaaye

ü  Maantana midii aan qasdiyay, waan qarxinayaaye

ü  Qalbigiyo halloo furoo dhegtaa labada qaybooda

ü  Qarnigii gumaystaha galbeed qaaradahan joogay

ü  Qaalibkeeda soomaalideen markuu qaas isugu yeedhay

ü  Qoon baa shahiid adag la galay oo qudh gooyo lehe

ü  Addoonsiga rag baan qaayibine, weerarka u qaatay

ü  Qammaankii jihaadkiyo kurfiga, qoorta laga gooyey

ü  Quudhsiga cadaawaha kuwii qaybta uga yeelay

ü  Qalloocane talyaaniga kuwii liifka qabadsiiyey

ü  Xabashida qadhmuun ka lehe kuwii qaaca kaga keenay

ü  Englang qiiqa kaga yaaciyee  qoomamada taagay

ü  Qado iyo quraaciyo kuwii qabawsin u diiday

ü  Beerdhiga qisaastay dhigeen, helay qabaarkiiye

ü  Afbakayle qaaq dii katimi, qaasim soo weriye

ü  Taargooya qaawani sanwayn qodaxyaduu jiidhay

ü  Qisadii rukuublayda iyo gurdubi , koofil qoloftiisi

ü  Qaamuuska waa laguu dhigtaa, qaabkii loo galaye

ü  Qiyaastii tumaatiga, jihaad taladi soo qaadka

ü  Miraa qoray qasiidooyinkii, qiimiga lahaaye (ismacil mire)

ü  Qiritaan ka jiinley ku jira waa qoraal dhigane

ü  Qooqanaha wiilashii ahaa ama qabaal jiifa

ü  Qariib maaha xaajadaniyoo, waa shay qadiimiyahe

ü  Daraawiishta qooqani dagaal kama qammaadaane

ü  Qalcadii taleex bay ahayd, halkii qalabku tuurnaaye

ü  Qaabkii dariiqadu lahayd, daawad quruxdeeda

ü  Quraankiyo digriga loo fadhiyo, qaybista xadiiska

ü  Qad madaw dawaad lagu qoriyo qaadashada diinta

ü  Xaajada qusuusidu wadaan qaab u marinteeda

ü  Gammaankii qabiibiga ahaa dhoodi qara-wayne

ü  Ismaaciil midkuu soo qabteee qoofalka u jiiday

ü  Qolqol loo sameeyiyo sangaha subag la quudsiiyey

ü  Danan qayladiisaa markuu qiirada ogaado

ü  Xiin-finiinka qoobkiyo markuu qararka jiidhaayo

ü  Qarashkiyo waxaa loo sudhaa heense qalabaysan

ü  Inuu goobta qaysaasku yaal kaga sed-qaataaye

ü  Quruxdii dariiqadu lahayd qiimigii jihaadka

ü  Qalinkaygu ma uu koobi karo, qaramadeediiye

ü  Qasdigayga xiisaha I qaban waa qiyaasli’ye

ü  Qalbigaan ka muusoonayaa muu qarnigan joogo?!

ü  Taariikh da qaybteedii miyaan qabyo u yeelay?!

ü  Qoondeynteeda khaatumo miyaa loogu qoray looxe?

ü  Qarankeena soomaaliwayn miyaan loo qamaamadin dheh?

ü  Qaadadhig wadajireed miyaan qoynka loo simin dheh?

ü  Qiimayn midnimadeen miyaan loo qadarinayn dheh?

ü  Qaabdhismeedka guudiyo, miyaanqa ynuun loo sugin dheh?

ü  Qandaraas diyaarado watiyo miyaaan gegi la qaaabayn dheh?

ü  Qisadii horeetiyo miyaan sidaa qaalid ku ahaan dheh?

ü  Quruxdeen ha raagtee rabbow qowfka naga hay dheh!! (amiin)

Dhamaad

By maxamedcabdicasiisbootaan–weedhsame

Email aljasiira_4@hotmail.com

Boocame Online-

Haddaba sidan soo socota Gabayn wuxuu kahadlayaa sida Afku qaniga u yaha iyo sida ummaddan Soomaalidu u dayacday ee ay uga dooratay Afaf kale oo aanay lahayn kuna caayan tahay markay joogto dalalka lagaga hadlo waxaana gabaygan tiriyey Yuusuf Xasan Ismaaciil wuxuu yidhi .

1. Abasaxa hashii noqotayee abaha doonaysay

2. Idankeed gal sow awrkii jamal alaq kumuu siinin

3. Ammintii markay gaadhayee awgu tirinaaye

4. Sow inanku goojada ma dayin soo ansixinteeda

5. Shuhuuraadka waxay tirada idil eegis noqotaaba

6. Goortay abbaarteedu timid loo anfaco doontay

7. Sow uburyo daybaaq mahelin ibo ku maalkeeda .

8. Asaraarka intii ay wadiyo eelka iyo maagga

9. Sowtaa afkeedii ku lumay eray fog loo sheegay

10. Sowtaa abraarteen lahayn alifyo deelkiisa

11. Ada iyo sowraa Idii unugii baabiisay

12. Abuuyahayba sowtaa shibane shaqalkii eedoobay

13. Ingiriiska sowtaa natidhi asalku waa kiisa

14. Imtiraamka sowtaan lasiin oday ku deeqsiiya

15. Sowtaa abuurkii layidhi waa inxune diida

16. Sowtaa dhallaankii inkiray adhax macaankiisa

17. Iyadaa ilduufkana lahayd uu ku oolsamaye

18. Bal ogaada eebahay magalo eexo iyo reere .

19. Iskuulada hadday dhigan lahayd or iyo jiibtiisa

20. Ama ay abwaanada naxwaha iyaga waydiiso

21. Akhyaarkiisu wuu badan lahaa uunka noo bara,e

22. Ibliisaan mucii garanahayn baa ku awdalane

23. Siyaasiga asqeeyaa markiyey aydanuu galaye

24. Ubadkii qurbaha loo anbiyey aayihii dhiga,e

25. Ashkatadu waxay qabanaysaa aaran iyo doone

26. Alla yaa adhigan baylahdaa ood u dhigi doona .

27. Adduunyada la joogiyo dunida aaggu kala soocay

28. Ruuxaan afkiisii bilayn waa addoon rarane

29. Ayaantii gumaysigu fadhiyey eerashaan jirine

30. Abniqii la naarkii haddii illiga loo siibay

31. Oo ay afkaar doora iyo aamin wada gaadhay

32. Ummadaha haddii ay agtimid ubaxna beeraysay

33. War maxaa axdigii ay qorteen aayar kala geeyey.

34. Udubkii haddii uu ka dhacay aqalka loo taagay

35. Loolkii haddii uu burburay qabaxii iimoobay

36. Ururkiisa waxaan loo dhigayn eeguu liicsamaye

37. Illinkii afbuucbaa ku dhaca uusan taag noqone

38. Afkayaga maxaa iin badiyo aayirnimo gaadhay.

39. Astihii xarfaha labo u dhaca la,isu oodaayey

40. Min uguurka markii laysu liso gabayga meeshiisa

41. Shanta uurar buuxdaa markii la,isu meel geeyo

42. Ama midi intuu daakhil galo midi afkeer joogo

43. Isu dhaca waxaan laga helayn eyrash kuu qoraye

44. Caqligii ilaahay wax baray wuu arkaa garane

45. Indhihii xeel dheeridu gashaa aayar uun boganne

46. Uf waxaan la odhanayn buu u yahay eeshiyaan badane

47. Nimankii abaabulay cilmay ummadda siiyeene

48. Isirkood waxay uga tageen oolimaad badane

49. Anagaa xumaynaye haddii orobo aan raacnay

50. Uub buu kusii qubanayaa aan xil loo qabine

51. Soomaalaay afkaagii ha lumin ooshu yey tagine.

By- Abwaan Yuusuf Xasan Ismaaciil

Boocame Online 

        ( kudayo  oo iska daa Qaadka )

Duhurkii markuu soo dhacoo qaylo kor u duusho
Qofwaliba wuxuu doonayaa inuu far duubtaaye
Haddii aan danyare ahay anigu duunyo aan dhaqanin
Dahabshiilna laysoo dhigayn doolarkii lacagta
Docka tuurka barabaraha aan laygu darajaynin

Dawo malahan oo meel xunbuu igu danbaysiine
Intaan dayday xayraami laa maan iskaba daayo,.

Doondoonistiisii adoo daal la socon waayay
Casar dabadi uurbeys haddii lagula soo doonto
Darintiyo sigaarkaba markii aad dabari waydo
Dagi maysid oo shaahi baa kaaga sii darane
Darmuus uu nin iibsaday intaad koob la daba joogto
Dawo malahan oo meel xunbuu kugu danbeysiine
Dawarsiga intaan baran lahaa maan iskaba daayo,.

Adigoo doraad cunay shalana calafku kuu diiday
Haddii maanta lagu daba marshoo dani ku seegsiiso
Durba seexan mayside waxbaa diidan gama iiye
Dubaab aadan arag iyo dhiqlaa diirka kaa xuliye
Balo aan la daalacan ayaad dila tiraahdaaye
War duqii mawaasheey ku oran dariska kuu dhow,e
Jin intaan dagaalami lahayn maan iskaba daayo,..

Beri baan dabarayaa haddii lagugu sii daayo
Asaad doorka doorkiisa kale soo dalici waydo
Dukaanbaa la xiray iyo la diid daynta iga dhawre
Dumarkiyo ragaas gadahaa waa dir dhagaloode
Inkastood daroorido dhaguhu uma daloolaane
Dacalada nin suuq lagu dhagana waa damiir xumiye
Intii sharaftu iga duuli layd maan iskaba daayo,..

Cibaado iyo diin seeg nin qaad dabada haystaaye
Daruus iyo tacliin waa horey kala dalaafeene
Dookhiisu waa maalintaa kuu daldalayaaye
Inkastoo daruurtiyo marqaan dayaxa gaarsiiyo
Dib ayuu shalaayaa markuu daanka mariyaaye
Dariiqyada ayuu uga go’aa daymihii hore,e

Duligaas intaan qabi lahaa maan iskaba daayo,.

Dadkoo seexday layl dama ayaad dibada meertaaye
Waxaad daris la noqotaa intii doorsan aadmiga,e
Daryaankiyo sarqaankaad la tahay ul iyo diirkeede
Ilaa waagu daalacana waad wada dikaysaane
Haddii aan dil dhicinoon midkiin meesha lagu dooxin
Wixii diintu diidiyo sinaa lagu danbaysiine
Intii aan dibood noqon lahaa maan iskaba daayo,.

Kolkii ay dareerraan ardadu oo dugsiga aado
Daakiraada waaberi markii shaqo la doondoono
Dadabtii ilmaha laga kacshaad dib ugu guurtaaye
Ilaa uu kan kale soo dagana waa dug xaajaduye
Duqda lagu halayn reerka oo howsha lagu daynin
Dullaa laga dhaxlaa biilki aad dumar ka dhowrtaaye
Intii aan dayici laa xilkay maan iskaba daayo,.

Haddaad daaqdo qaadkood misana daynba kari waydo
Dadku kuma ciseeyoo dhamaan waa ku durayaane
Dawdar iyo waxay kugu xusaan danihi ruux mooge
Dunna laguma aamino ninkay dadartu waashaaye
Adigoo da’weynoo xiradu dayrtay madaxaaga
Dukaankii ad dalab ula tagtaa diiday buu orane
Intii aan damiin dayi lahaa maan iskaba daayo,.

Waxaa lagu daneeyaa intaad duunyo leedahaye
Haddii aad dalaaftana ma jiro ruux ku dayayaaye
Mar hadduusan diintii ilaah kugula dooyaynin
Saaxiibka dunidaani waa daanka igu raace
Ninkii aadan qaadkiisa dirin ways dibiriyaaye
Maxaad ii dabari waydaybuu kuugu dudayaaye
Mooryaan intaan dumi lahaa maan iskaba daayo,.

Dumar lagama maarmee midii calafku kuu dooro
Haddii waalid kuu doono oo laydin darajeeyo
Oo daarcad laydiin goglood kula damaashaado
Durbaan iyo mashxarad iyo kolkii gaaf ladiriteeyo
Aroos laguma daahee markii la isu kiin daayo
Qaadiro ninkii daalanaa doorki gudan waaye
Intii aan dabyare noqon lahaa maan iskaba daayo,.

Ilkahoo ku daatiyo afkoo daasad noqonaaya
Muuqaal darnaan kugu dhacdiyo midabka oo dawra
Madaxoo ku diirmiyo tintoo badiba kaa duusha
Durey aan marnaba kaa baxayn daa,in abidkaaba
Dalan baabi socodkoo noqdood saan daldali waydo
Dabeecadaha qaad weeye iyo dagaladiisiiye
Darbi jiif intaan noqon lahaa maan iskaba daayo,……

Waxaa Soo diyaariyey

Abukar  Awale ( Qaad DiiD )

Gudoomiyaha Ladagaalanka Qaadka.

Falastiin Dhibaatiyo waxii dhaawac loo gaystay

Dhalinyariyo waayeel waxaan midna la’dhaafaynin

Dhamaantood Haweenkii ubadkii la’dhaafsiiyay

Dhalaankiyo caruurtuba waxay wada dhaqaaysay

Dhaayahooda sharafta leh waxay ilini Soo dhaaftay

Dhar la’aan waxay haysato dhaxani ay goysay

Dhiiliyo colaad loogu daray baladii loo dhaanshay

Dhalanteed wax loo laayay oo dhuuni loo diiday

Dhulka oogadiisana dhiigoodu badi qooyay

Dhurwaagii Yuhuudigu waxuu dhacayay ciidooda

Dhamaan reer galbeedkuna, dhacan garab ku siinaayay

Dharaartiyo habeenkaba waxay Qudus dhibaatootay

Dhulkan aan ku noolahay naxdini way ka dheertahaye

Dhugta oo bal daya, bariga dhexe dhool ayaa da’aye

Afartaa dhambaal aan u diray dhibir-fayow uun dheh,

Afarkalana waa mid’aan dhacdadan samir ku dhaafsiiyay

Dhafoorkaygu wuu taagmayoo waan ka dhiidhiyaye

Dhambaal baan ka qorayaa, dulmiga dhaayahay aragye

Dhanka Eebahaybaan baryada dhaaxo joogtayne

Dharaartiyo habeenkaba qalbiga waan ku dhigayaaye

Dhursugaay qiyaamaa dhawoo maalinbaa dhigane

Afartaa dhambaal aan u diray dhibir-fayow uun dheh,

Afarkalana dhaliilaha jiraan soo banana dhigiye.

Dhaayahaan idiin saarayaa dheygag loo go’aye

Dhiciskaba intii loo socdaa noloshu dhaaftaaye

Inkastoo islaamkaba dhamaan, Dhiilo wada gaadhay

Dhalashada kuwii ugu xigaa looga soo dhacaye

Dhedig kuwo la’moodaa ku sugan dhinacyadoodaase

Dhuglaawayaashaa carbeed, way dhutinayaane

Dhaqaaliyo markuu Eebahay Dheeman wada siiyay

Dhamaantood barwaaqada aduun dhuunta loo galiyay

Dhaqashiyo inay sii badshaan dheesha mooyaane

Dhuganwaaye falastiin dhibkiyo, dhiifta lagu reebay

Dhacdadii la’yaablehi Naflahay dhaxal u reebtaye

Dhoohane haduu jiray waqtiga waa dhursugaynaaye

Allahayow dhibaatada ka saar, duul kalaa dhibaye.

By: Abdihakim Herer

Boocame Online

Boocame Online -

Gabaygan Ayaa Wuxuu kamid yahay kuwa muhiimka ah ee Aanu usoo gudbino bulshada soomaaliyeed si ay wax uga bartaan Suugaanta & Macaankeeda .

Gabaygan Waxaa Fududeeyay islamrakaana duubay Xiligaas Ismaaciil Ducaale Aftaag, “Daawasho haboon”

Boocame Online

Warbaahinta Qarnigan Cusub

Digshineeri waa tix gabay ah oo ka hadlaysa arrimaha ka jira

waxaan ku hal qabsaday axmed cabdiqaadir jabaan[axmed darwiish]

akhris wacan

1 axmedoow dabuub gabay markii la iga doonaayo
2 dadka wawgu roonahay inay duxiga maalaane
3 teeriyo dagaalkii hayaa duubka lay xidhaye
4 waataan dawaariga ahaa sida darwiishkiiye
5 intii aan dedaalkiisa galay daa ismaan odhane
6 doodiyo araar dacalla dheer waa duddubiyaaye
-
7 deelqaafle badanbaa jiroo soo dunuunuca,e
8 digshineeribaan kuu ahiyo anigu diiwaane
9 dembi aakhiraan uga baqiyo dar alla mooyaane
10 dibnahaygu waa jecel yihiin duni ka faalloode
11 abwaan dararay doobiga u culo waa daf maansaduye
-
12 dab intaan ka badhiyo intaan dalandalee booday
13 ee duunya raacaha noqdee lay dirdiranaayay
14 daaaalika qur,aaniyo intaan diinka baranaayey
15 daan waynta geeliyo intaan deleb xergaynaayey
16 intaan doob ahaa iyo intaan dabiyo reer yeeshay
-
17 debed aan u dhoofiyo intaan daliyo ciid joogay
18 duruuftiyo dhibkaan soo maree doorba dhanu liicay
19 danu xoogsi badan baan galiyo duubiga adkeeye
20 dawersiga shisheeyuhu ragbuu daawadood yahaye
21 damiirkaygu iima oggolaan damaca qaarkiiye
-
22 dallacaad garbaa lagu taxiyo derejo lay saaro
23 daandaansi kuma doonaniyo deris ku eedoowe
24 mana odhan walaalkay diloo dahab ku miisaane
25 inkastaan dulqaad badanahoo duubcaddi illaaway
26 dekenooyin baan laga samrayn daallinka hayoowe
-
27 xaq la duudsiyaa maalinbuu dibu iftiimaaye
28 anna kaygu waa dihinyahoo waa la dedayaaye
29 dulmi uma gargaareen nin lihi duxiyo iimaane
30 ruuxii qalbigu daammur yahay diin isma arkaane
31 dalanbaabbigaa naga tegaye deli dhacaynaaya
-
32 iyo kii la daawaystayoow waa inoo dirire
33 dabbaal joogto iyo xeeshu waa ii duruus wacane
34 doqoniyo nin liitaan ogayn dawga loo qodaye
35 anoo kale digniin waa qabaa dagina maysaane
36 dadliq ceela waa lagu dayaa daakhilka ul dheere
-
37 jeeroo dannigu baal u dhaco looma daaddego,e
38 dabin dhuud sagaaraa taqaan dayrka loo dhigaye
39 ruuxaan dareen cadaw lahayn waa dacaysane,e
40 nimankaa dameeraha noqdiyo dibigu yeelkoode
41 anigiyo ninkii diirayaa ways debberaynaaye
-
42 maantana sangihi daalay waa daajisanayaaye
43 nimankii dullaalada yaqiin waa diyaar weliye
44 iyaguba waxay diidayaan waw degdegayaane
45 danankiyo madiixaw ballana aniyo doolaale
46 afartaa sidii dirir gu,oo da,aya maw hooray?
-
47 ragbuu kala dillaamaa halkay danu lahaayeene
48 duwimaayo oo kaygu waa diiradiyo shiishe
49 dayrkiyo xuduuddaan u dhigay dacalka maw saaray?
50 balaan hadalku yuu ila durkine dulucda miisaamo
51 awrkii dawaaddiyo lahaa doobidiyo guuxa
-
52 ee geela maan taan ku daray wada duldiireeyey
53 ee aan xagaaguu da,furay daran ku seeteeyey
54 ee aan dugaag meelle iyo dulin ka dhawraayaey
55 ee aan halkuu daaqayaba daacad ula joogay
56 ee aan habeenkuu dibjiro dumarka laynaayey
-
57 wax la yidhi dorraad buu u lumay dooxadii gubane
58 markaasaa dillaalladi burciyo daydaygii helaye
59 dabarkiyo huggaankay sudheen daamay lagu geeye
61 wax la yidhi damaashaadku waa daya miroodkiiye
61 wax la yidhi dumbuluq baa habruhu dayn ku qalayaane
-
62 wax la yidhi dabkaa loo shitiyo dogobyo waawayne
63 wax la yidhi dusuud loo xashiyo daab cad la afeeye
64 wax la yidhi dabaaxiyo wankii daalac naasila,e
65 wax la yidhi dawaa laga helaa duqiyo waayeele
66 debeddiyo waxaa looga yimi dawladaa yurube

67 dooxaba in laga dhoofayiyo dabay la ii sheegye
68 dariibtiyo mudkiisoo qudhaa laysku dilayaaye
69 durba waa galaydhyaynayaan doxorayaashiiye
70 nimankii dannaanniga badnaa waa duryamayaane
71 hadday maanta daayaanna waa looga darayaaye
-
72 daltabyada ku haysaa galbeed waa darxumo wayne
73 deegaanti hawdiyo nugaal waw darsanayaaye
74 dirka geela waa kala aqiin daawadiyo laane
75 dabbuudh naaxay bay igu hodeen duumo lagu xaaqye
76 isagoo dannoodoo naqliyo doollo miranaaya
-
77 oo dahabo meeshii tihiyo degelki buuhoodle
78 haddii uu dhashii dawlad yahay diquma foofeene
79 malaa neefku waa nagu dulsaar duud cadhoola,ahe
80 doolaalo waa kii u galay doonnilaa bariye
81 dirqi baan ku soo celiyey iyo doohiyo carrooye
-
82 malaa waa u daaq tegi lahaa dilaba waagiiye
83 durrujaa intuu dhalilahaa duuf ku wada yaallo
84 aan dibu guhaadoon lahaa duur ha dhaansado,e
85 dabbrimihiyo seedaha ka gura waa duq baadiyahe

[ abwaan suusle]

Abwaanka Oo Aan waydiiyey Gabaygan Jawaabta ah ee Uu Curiyey Sababaha uu Ku Yimid Ayaa Yidhi.

Gabaygan waxa igu kelifay nin layirahdo Isim ama idhabuur ,  waxuu tirshay gabay ladhoho Dharka kagama siibeen habla dhirin dhir, oo aad moodo inu iska dhigayo inuu u hiilinayo  laakiin ayqusayso Dhulbahate.

laakiin anigu eed kuma lihi qabsiga dalkayga, waayo isaga dalka iyo dadka u dhiibay oo ka ahaa madaxwayne  Puntland igana bixiyay, Horana  lamaqabsan jiray Deeganada Khaatumo.” Ayuu Yidhi Abwaanku.

Hadaba Gabaygan oo dhinacyo badan taabanaya Halkan hoose kaga Bogo.

{{Halkan Ka Dhegayso}}

Boocame Online

By-” Axmed  Darwiish”

Gabaygan waxaa La curiyey Markii dhawaan gudaha dalka Soomaaliya lagu doortay Madaxwaynaha Jamhuuriyada Soomaaliya, Waxaana Curiyey Abwaan C/rashiid Jaamac Boos oo Kamida abawaanada Da’da yar ee Qaranka Soomaaliyeed, islamarkaana kasoo jeeda Deeganada Khaatumo State.

Gabaygan marka hore wuxuu abwaanku ku eegayaa dhibkii qadhaadhaa ee ay soomartay Umada soomaaliyeed, Gunaanadkana waxa uu ku eegayaa Habka dalka soomaaliya hada iftiin  ugu soo baxay, Ugu danbayn waxuu dar daaran qaran ujeedinaa Madaxwaynaha Jamhuuriyada Soomaaliya Xasan Sheekh Maxamuud.

Boocame Online

By – Axmed C/qadir Jabaan {Axmed Darwiish}

darwiish33@gmail.com

Ma da gabayga anigoo yar baan maahir ku ahaaye

Milicsada tixaan soo xulay yaan idinku maanshayne

Soomaaliya mugday wada gashay iyo maalmo geeriyahe